Charter Document - 03180194
| Charter Number: | 03180194 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1186 |
| Date type: | Assigned |
| Resource Link(s): |
|
Charter:
Gilebertus Dei gratia Londoniensis episcopus omnibus sancte matris ecclesie filiis ad quos hec littere pervenerint salutem in Domino Ad universitatis vestre volumus devenire notitiam nos ad presentationem dilecti nostri Gileberti Malet quem ius patronatus ecclesie de Stiford de iure contingit priori et monachis Roffensibus memoratam ecclesiam de Stiford cum omnibus ad eam pertinentibus concessisse ipsosque in eadem personas cum solempnitate debita constituisse et quoniam Roffensem ecclesiam et in ea famulantes Domino ratione multiplici diligere tenemur et eorum commodis attentius providere eis duximus indulgendum ut post obitum Radulfi de Stiford clerici qui eam nomine vicarii de ipsis tenet vel postquam ipse eam aliquomodo possidere desierit monachi ipsam ecclesiam habeant et teneant et fructus et obventiones ad ipsam provenientes in usus proprios convertant et nobis et officialibus nostris pro ea respondent et debitas consuetudines nichilominus exoluant Unde ne que gesta sunt rationabiliter tractu temporis infirmari possint aut in irritum devocari ea pagine presente inscriptione confirmamus et nostri pariter appositione sigilli communimus Hiis testibus Nicholao Lond[oniensi] [archidiacono] []