Charter Document - 03180193
| Charter Number: | 03180193 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1186 |
| Date type: | Assigned |
| Resource Link(s): |
|
Charter:
Gilebertus Dei gratia Londoniensis episcopus universis sancte matris ecclesie filiis ad quos hec littere pervenerint salutem in Domino Que nostra dilectissimi ad honorem Dei et ecclesiarum comodum geruntur presentia scripture non inmerito debemus committere beneficio et ut firmitatis robur optineant in posterum et posteritati nequaquam veniant in dubium concessa nobis auctoritate tenemur diligentiori cura providere Hinc est quod ad communem omnium vestrum scripti presentis testimonio volumus devenire notitiam Radulfum de Stiford clericum cui quondam ecclesiam ipsius vive ad presentationem nobilis viri Gileberti Malet eiusdem ecclesie advocati concessimus coram nobis et multis aliis viris honestis et discretis constitutum iuri quod memorata habuerat ecclesia spontanee et absolute renuntiasse et eandem ecclesiam in manu nostra resignasse quam nos ecclesiam cum omnibus ad eam pertinentibus presentatione iam dicti Gileberti Malet dilectis nobis in Christo priori et monachis Roffensibus qua fungimur auctoritate contulimus ipsosque cum debita solempnitate in ea personas instituimus Et ut ea[m] perpetuo gaudeant carte nostre munimine confirmavimus Teste Nicholao archidiacono London[ie] et multis aliis