Charter Document - 03180188
| Charter Number: | 03180188 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1163 - 1178 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus omnibus ad quos presens carta pervenerit salutem Universitati vestre notum fieri uolumus quod causam que uertebatur inter domnum Willelmum abbatem de Rameseia et Godefridum presbiterum supers ecclesia de Depedala a domno papa nobis delegatam mediante concordia hoc modo terminauimus Partibus in presentia nostra constitutis quidam Walterus de Grisiomonte quem dictus presbiter sue presentatione laudauit auctorem publice cognouit quod ius patronatus illius ecclesie ad Rameseinse monasterium pertineret et si quid iuris ad eum vel ad fundum eius super ea re pertinebat in manu nostra resignavit et Rameseiensi monasterio concessit fide data promittens quod nunquam de cetero per se vel per alium adversus eos super hoc querelam moveret Quo facto prenominatus presbiter procedens in medium publice confessus est quod personatum illius ecclesie per iniustam presentationem fuisset adeptus et eandem in manu nostra liberam spontanea voluntate resignavit Nos igitur ius Rameseiensis monasterii ex confessione partium plenius cognoscentes tam ius advocationis quam ipsam ecclesiam quantum ad nos pertinebat apostolica freti auctoritate domno abbati et per eum Rameseiensi monasterio assignavimus perpetuo possidendam et presenti scripto confirmavimus Hoc autem factum est Lundon[ie] apud sanctum Paulum sub presentia nostra et meliorum capituli nostri et sub his testibus Radulfo de Dici et Ricardo Folioth archidiaconis magistro Hugone et magistro Henrico canonicis nostris Iohanne et Alexandro monachis decano de Holmo Ruelando Petro de Brancest[ria] Hugone arch de Brame[estria] Ada presbitero de Burnaam Willelmo de Deped[ala] et aliis multis