Charter Document - 03180186
| Charter Number: | 03180186 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1163 - 1180 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus dilectis sibi in Domino universis sancte matris ecclesie filiis salutem in Domino Notum vestre facimus caritati latorem presentium R a predecessore nostro bone memorie R Lundoniensi quondam episcopo ad gradum sacerdotii promotum in ipso episcopatu diu ministrasse et prout sacerdotali congruit officio digne conversatum fuisse Quem cum in partes exteras trahat ad presens oborta necessitas has sibi dimissorias ordinationis et honestatis sue date etiam sibi a nobis decedendi licentie testes concessimus dilecte nobis in Domino benivolentie vestre preces affectuose porrigentes quatinus ob divini reverentiam ordinis ipsum in quo locorum venerit inter vos in caritate suscipiatis et honorem quem Domni ministris exhibere iustum est sibi misericorditer impendatis Valere vos optamus in Domino