Charter Document - 03180184
| Charter Number: | 03180184 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Appeal |
| Date: | 1163 - 1180 |
| Date type: | Assigned |
| Resource Link(s): |
|
Charter:
[G]ilebertus Dei gratia Lundoniensis episcopus dilectis sibi in Domino universis sancte Lund[oniensis] ecclesie parochianis et filiis salutem gratiam et benedictionem Cogit nos caritatis affectio pro indigentia fratrum de Pritew[ella] universitati vestre suplicare qui nimirum inchoatam ecclesie sue fabricam suis non sufficiunt impendiis consummare nisi devotio fidelium votis eorum misericorditer subveniat Proinde latores presentium nuntios et procuratores paupertatis sue sub nostrarum testimonio litterarum vobis commendamus ad gratiam orantes et exortantes in Domino et in remissionem vobis iniungentes delictorum quatinus cos pro communi fratrum necessitate pie laborantes propter Deum benigne suscipiatis et de collatis vobis a Domino facultatibus ad extruendam predicte fabricam ecclesie elemosinas et beneficia vestra misericorditer impendatis ut domum Domini in terris edificando permansura vobis edificia preparetis in celo Clericis vero presbiteris et personis ecclesiarum per nostram constitutis parochiam specialiter supplicamus ut illis suscipiendis exhibendis et honorandis sollicitius intendant et ad commissas sibi plebes devota eos exortatione commendent scituris omnibus qui eos hospitio seu beneficio quolibet honoraverint quod eos orationum et beneficiorum sancte Lundon[iensis] ecclesie constituimus fore participes Penitentibus etiam et peccata confessis sub nostro scilicet constitutis sacerdotio quia maiori indigent remedio maiorem adicimus misericordiam et si in septem annorum uel supra penitentia fuerint viginti si minus decem de iniuncta sibi satisfactione dies relaxamus