Charter Document - 03180181
| Charter Number: | 03180181 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1174 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus Philippo vice archidiacono Oxen[efordie] salutem A domno papa mandatum suscepimus ut de causa que inter abbatem et fratres de Osen[eia] et priorem et canonicos sancte Frideswide diu agitata est super ecclesias sancte Marie Magdalene que extra portam Oxen[efordie] sita est veritatem diligenter inquireremus et si constaret nobis iam dictos fratres de Osen[eia] a possessione memorate ecclesie sancte Marie Magdalene fuisse violenter eiectos ipsis omni occasione et appellatione remota eiusdem ecclesie possessionem restitueremus et causam postmodum audiendo eam mediante iustitia decideremus Huius auctoritate mandati statute die partes evocavimus et ipsis coram nobis positis et eorundem rationibus hinc inde plenius auditis supradictos fratres de Osen[eia] a possessione memorate ecclesie per violentiam eiectos fuisse idoneorum testium sufficienti probatione cognovimus et apostolici mandati formam sequentes ipsis eiusdem ecclesie possessionem adiudicavimus Quia vero quod in causa a iudice delegateis statuitur id per ordinarium iudicem effectui recte mancipatur mandamus vobis et apostolica auctoritate iniungimus quatinus sepe dictos fratres de Osen[eia] in corporalem eiusdem ecclesie possessionem auctoritate apostolica inducatis Et siquis vobis in hoc resistere aut aliquatenus impedire presumpserit vos in eum omni occasione et appellatione postposita ecclesiasticam exercere iustitiam non differatis et ecclesiam ipsam a divinis cessare faciatis Valete