Charter Document - 03180178
| Charter Number: | 03180178 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1180 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus dilectis sibi in Domino laicis per episcopatum Lundon[iensem] constitutis salutem gratiam et benedictionem Pium est fratres karissimi operibus misericordie ad propositum caritatis sic properare stadium ut tempore messionis eterne salutis optate brauium comprehendamus sic dum vivitur seminare ut multiplicato fructu expectate iocunditatis stolam excipiamus Unde vos attentius exhortamur in Domino quatimur remunerationis fiducia cura propensiori piis actibus indulgeatis inter quos elemosinarum lucet largitio que peccatorum delet offensam que dilectionis Dei et proximi nobis lumen infundit Cum itaque leprosi sancti Leonardi de Norhamt[onia] non solum corporis intolerabili torqueantur cruciatu verum extrema laborare dinoscuntur inedia pro eis universitati vestre supplicare pietatis affectio nos impellit quatinus per hunc latorem presentium eorum nuntium de facultatibus vestris aliquam portionem ad eos mittentes eorum relevetis miseriam et quod propriis non possunt vestris impendiis adiuti quod ad miserabilem victum sufficiat per vos habere se gaudeant Nos vero de Dei confisi misericordia hiis qui saltem modicum iam dictis fratribus erogaverint viginti dies relaxamus et bonorum omnium que in nostra fiunt ecclesia participes constituimus Valete