Charter Document - 03180177
| Charter Number: | 03180177 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Appeal |
| Date: | 1163 - 1180 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus dilectis sibi in Domino archidiaconis decanis clericis per episcopatum Lundoniensem constitutis salutem gratiam et benedictionem Que in usus pauperum misericorditer inpenduntur donantibus non pereunt immo ad eterne retributionis gloriam conservantur et temporalium pia largitio vitam eternam operatur Unde nos de salutis vestre profectu solliciti propensius caritatem vestram exhortamur in Domino quatinus piis operationibus providere indulgeatis ut de bonis vobis permittente Deo concessis dum tempus habetis dum licet eternitatis fructum mere animi Nos itaque ancillarum Christi Deo et beatissime Marie de Norhamt[onia] iugiter servientium egestati compatientes rogamus monemus et vos exortamur in Domino ut cum ad vos venerint suam proponentes miseriam eas benignius suscipiatis et de facultatum vestrarum copia earum relevetis inopiam ut bonorum que tam in nostra quam sua fiunt ecclesia auctore Domino sitis participes Valete