Charter Document - 03180176
| Charter Number: | 03180176 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1180 |
| Date type: | Assigned |
| Resource Link(s): |
|
Charter:
Salutem et gaudere semper in Domino Licet omnibus quos fidei catholice commendat religio benefacere debitores sumus hiis tamen propensius intendere pietas hortatur qui Iudeorum spreta perfidia sacra baptismatis unda renati Iesu Christi fidem nudi plus eligunt quam ut caducam habentes opulentiam occidentem legis literam sectari velint Et ne rectitudinis zelum in bone voluntatis voto cotidiane necessitatis turbet instantia eo sollertius [est] providendum quo timetur iustius ne in neophitis eruditionis nove planta marcescat citius quam in manentem caritatis radicem solidetur Unde vestram in Christo dilecti exhortamur caritatem ut in latorem presentium ad fidem Christi Lundon[ie] noviter conversum occulos misericordie et pietatis visecra benignius intendatis quatinus fraterne caritatis in eum exhibita devotio eum tam novellum adhuc ad suscepte gratie summam fortius augeat et ad idem alios invitet Nos autem hiis qui remunerationis eterne intuitu huic Nicol[ao] aliquam de facultatibus suis portionem ad relevandam eius tenuitatem dederi[n]t de Dei misericordia et apostolorum Petri et Pauli intercessione confisi de iniuncta sibi penitentia viginti dies relaxamus et orationum et beneficiorum que in nostra fiunt ecclesia particles constituimus Valete in Christo