Charter Document - 03180174

[G Dei gratia] Londoniensis [episcopus] dilectis [sibi in Domino] universis sancte matris ecclesie filiis ad quos presentes litere pervenerint salutem que nunc est et quam speramus a Domino [Que] ad [ecclesiarum utilitatem et earum] perpetuam tranquillitatem stabilita[sunt h]is assensum prebere et ut in perpetuum valitura permanent hec scriptis et munimentis [aliis] rob[orare caritate] id procul dubio suggerente [debe]mus Eapropter universitati vestre presenti scripto notificamus causam que vertebatur inter Reginaldum [cler]icum de Campo [Florido et abbatem] de Munteburgo et Willelmum clericum iam dicti abbatis super ecclesia de Powestoc nobis a domno papa delegatam [hoc tandem] modo conquievisse [Partibus siquidem] statuta [sibi die] in nostra presentia constitutis iam dictus Reginaldus se memoratam ecclesiam de Powestoc [pre]sentatione Roberti de Arundell [eiusdem] quondam ecclesie advocati per manum bone memorie Rogeri quondam Saresbir[iensis] episcopi canonice adeptum ipsam [diu]tius possedisse [et ex] ea se postmodum violenter eiectum fuisse constanter asseverabat postulans ut eorum que dicebat probationem admitteremus et ipsi [prefate] possessionem ecclesie iuxta mandatum domni pape restitui faceremus Iamdicti vero abbatis procuratores quos ad hoc ad nos direxerat et prefatus Willelmus clericus qui presens aderat peremptoriam sibi incontinenti exceptionem opponentes iniuste sibi super prenominata ecclesia de Powestoc a iam dicto Reginaldo moveri contro[versiam] asserebant [pro]ponentes quod cum Eilmero eiusdem quondam ecclesie persone super [hac] eadem ecclesia in presentia Alelmi Dorseten[sis] archidiaconi ex mandato domni Saresbiriensis episcopi iam pridem mota fuisset controversia idem Reginaidus iurisi quid unquam in eadem ecclesia habuerat in ipsius archidiaconi et totius capituli presentia sponte renuntiavit et se nunquam super ecclesia hac moturum controversiam fidei interpositione firmavit Nobis itaque super hiis que ab eis dicebantur tam scripto ipsius archidiaconi quam viva voce testium omni exceptiones maiorum fide sufficienter facta memorandum abbatem de Munteburgo et sepedictum Willelmum a iam dicti Reginaldi petitione auctoritate domni pape qua in hoc functi sumus negotio absolvimus et eidem Reginaldo super eiusdem ecclesie repetitione silentium perpetuum imposuimus Reginaldus vero ea que super refutatione a se facta dicebantur ad memoriam revocans procedens in medium liti huic in perpetuum sponte renunciavit et se nunquam decetero monachis de Munteburgo vel Willelmo clerico vel successoribus eius super ecclesia de Powestoc moturum controversiam tactis sacrosanctis evangeliis firmissime repromisit Ne igitur quod actum est in dubium aut in irritum revocari possit in posterum id ipsum presentis scripti testimonio et sigilli nostri appositione communire et ea quam hoc functi sumus negotio auctoritate confirmare curavimus