Charter Document - 03180173
| Charter Number: | 03180173 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1163 - 1181 |
| Date type: | Assigned |
| Resource Link(s): |
|
Charter:
Gillebertus Dei gratia Londoniensis episcopus omnibus sancte matris ecclesie filiis ad quos hec litere pervenerint salutem in Domino Ad communem omnium vestrum volumus devenire notitiam causam a summo pontifice nobis delegatam que vertebatur inter magistrum Iohannem Cornubiensem et G priorem de Horton super quibusdam decimis de assartis de Puricia quas iam dictus Iohannes ad ecclesiam suam de Sandona pertinere dicebat amicabili inter memoratas personas et ecclesias de Sandona et Purleia interveniente transactione in hunc modum in nostra conquievisse presentia videlicet quod memorata ecclesia de Sandona subscriptas decimationes quas supradictus I[ohannes] nomine ecclesie sue de Sandona petebat perpetuo possidebit reddendo nomine predictarum decimarum ecclesie de Purleia quatuor solidos annuatim ad duos terminos in Nativitate sancti Iohannis Baptiste duos solidos in Nativitate Domini duos solidos Decimationes vero super quibus coram nobis transactum est sunt hec decima decem acrarum de terra quam Radulphus Tristran tenuit item de terra Willelmi filii Watgar de decem acris item de terra Watgar de decem acris item de terra Lamberti de tribus acris de terra Estrilde de una acra de terra Willelmi parcarii de duabus acris de terra Iohannis fabri de decem acris de terra Ricardi de Stanre de octo acris de terra Siwardi de Stanre de quinque acris de veteri assarto et de quinque de novo Preterea si quid novum fuerit assartum de bosco de Purleia post factam coram nobis hanc transactionem sepedicta ecclesia de Purleia omnes decimationes de assarto illo provenientes libere et sine contradictione percipiet ita quod ecclesia de Sandona nichil in eis iuris poterit vendicare Nos igitur cupientes omnimodis ut transactio hec auctoritate summi pontificis celebrate perpetue firmitatis robur optineat eam pagine presenti inscripsione roboravimus et nostri pariter appositione sigilli duximus communire Testibus magistro Ricardo de Stort[efordia] magistro Hugone de London[ia] magistro Henrico de Norf Radulfo de Chith[onia] Phelippo de sancta B[r]igida Ricardo de Sar[esberia] Radulfo cantore Iohanne Wyting capellano et multis aliis