Charter Document - 03180161
| Charter Number: | 03180161 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1180 - 1187 |
| Date type: | Assigned |
| Resource Link(s): |
|
Charter:
G[ilebertus] Dei gratia Londoniensis episcopus omnibus sancte matris ecclesie filiis ad quos hec littere pervenerint salutem in Domino Universitati vestre presenti scripto notificamus nos concessisse dilectis filiis nostris canonicis ecclesie beati Pauli sex denarios annuatim ad duos terminos solvendos in Pascha videlicet tres denarios et in festo sancti Michaelis totidem qui sex denarii de terris his exoluentur pro aqueductu quem nobis et hominibus nostris habendum concesserunt per terram suam que proxima est extra barram que est extra portam nostram que uocatur Bissupesgate videliect de terra Haidem unum denarium de terra Seamani Belle duos denarios de terra Siwardi filii Willelmi unum denarium de terra Estrild et Edricii unum denarium de terra Eilredi tannarii unum denarium Quem nimirum aqueductum homines nostri quando opus fuerit mundabunt et reparabunt expensis suis et servabunt ne iam dicti canonici in terris suis vel in reditibus aliquod omnino dampnum sentiant vel detrimentum Volumus etiam et concedimus ut quicumque domum habuerit et is tenuerit per quam aqueductus cursum suum facit memoratos sex denarios annuatim dictis terminis pro ipso aqueductu percipiat Quod quia firmum et stabile manere desideramus pagine presentis inscriptione et sigilli nostri munimine confirmamus Testibus Radulfo decano London[iensis] ecclesie Nicholao archidiacono Ricardo magistro scolarum London[ie] magistro Hugone de London[ia] magistro Henrico de Norh[amtonia] Hugone de Racon Willelmo de Belm[eis] Radulfo de Chilthon canonicis Willelmo Foliot senescallo Roberto de Fulcham