Charter Document - 03180160
| Charter Number: | 03180160 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1181 |
| Date type: | Assigned |
| Resource Link(s): |
|
Charter:
G[ilebertus] Dei gratia Londoniensis episcopus omnibus sancte matris ecclesie filiis ad quos hec littere pervenerint salutem in Domino Que pie devotionis intuitu in perpetuum memoriale Dei conferuntur ecclesiis ea iustum est firmitate gaudere et ne valeant in posterum mutari tutum est litterarum apicibus communiri Dilectus filius noster Radulfus de Diceto decanus ecclesie beati Pauli ad honorem Dei et patroni sui beati Pauli domos suas in atrio iam dicte ecclesie fundatas utensilibus suis et ornamentis munitas et capellam suam cum libris et ornamentis suis omnibus concessione nostra et auctoritate decanatui assignando contulit et donavit et ut concessionem suam ratam haberemus et firmam precum instantia postulavit Cuius nos devotioni approbantes eius postulationibus annuimus et donationem suam ratam habentes et acceptam ea qua fungimur auctoritate ipsam confirmamus Nos etiam factum suum felici inchoatum proposito ad perfectum volentes perducere et decanis succedentibus perpetuo providere terram in qua iam dicte domus et capella site sunt decanatui in perpetuum assignavimus et ut omnis decanorum memorate ecclesie successio eas sicut suprascriptum est possideat benigne concessimus et ne gesta nostra tam a nobis quam a supradicto decano concessa tractu temporis devocari possint in irritum ea scripti nostri patrocinio et sigilli nostri inpressione communire curavimus Testibus Gilleberto archidiacono Middelsex Roberto archidiacono Essex magistro Hugone a Lundon[iis] Rogero a Wygorn[ia] Roberto Folet Gilleberto Banastre Radulfo de Chilton