Charter Document - 03180159
| Charter Number: | 03180159 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1183 - 1187 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus omnibus sancte matris ecclesie filiis ad quos hec littere pervenerint salutem in Domino Ad universitatis vestre volumus devenire notitiam dilectum filium nostrum Radulfum de Diceto decanum ecclesie sancti Pauli Lundon[ie] et eiusdem ecclesie capitulum Alexandro clerico ecclesiam sancti Pancratii cum omnibus ad eam pertinentibus sub annua dimidie marce pensione ipsis ad Pascha solvenda in perpetuam elemosinam concessisse et dedisse Quod nos ratum habentes et acceptum auctoritate qua fungimur episcopali memorate ecclesie sancti Pancratii perpetuam vicariam cum omnibus ad eandem ecclesiam pertinentibus sub predicta pensione iam dicto Alexandro concessimus Et ut concessio ei facta firmitate gaudeat in posterum eam pagine presentis inscriptione et sigilli nostri appositione confirmavimus Testibus Radulfo de Chilton canonico sancti Pauli Radulfo de Verini Thoma Britone Iohanne Witene Roberto Foliot clericis Iohanne Alexandro de sancto Clemente Reginaldo camerario Alexandro de Camera et multis aliis