Charter Document - 03180158

G[ilebertus] Dei gratia Lundoniensis episcopus omnibus sancte matris ecclesie filiis ad quos hec littere pervenerint salutem in Domino Ex commissi nobis cura regiminis tenemur astricti ut si quas ecclesie nostre pia devotione possessiones contulerimus seu subiecta nobis plebs ob suam suorumque salutem erogaverint beneficia litterarum ea monimentis excipiamus et ne tractu temporis future posteritati veniant in dubium auctoritate qua permittente Deo fungimur sollicite studeamus diligentia roborare Proinde ad communem omnium vestrum volumus devenire notitiam nos dilectis filiis nostris decano et canonicis ecclesie beati Pauli ecclesiam sancti Pancratii cum omnibus ad eam pertinentibus in terris in hominibus in decimis et obventionibus que ecclesia in territorio prebende Willelmi de Belmeis extra muros London[ie] sita est et fundata memorato Willelmo postulante quam plurimum et in hoc prebente assensum in liberam et perpetuam elemosinam contulisse ipsosque in ea personas sollempniter instituisse Quam quidem donationem pia devotione celebratam quia firmam et futuris duraturam temporibus manere desideramus pagine presentis inscriptione confirmamus et ne valeat a quoquam infirmari de cetero sigilli nostri appositione roboramus Facta est autem hec nostra donatio in capitulo sancti Pauli anno dominice incarnationis millesimo centesimo octogesimo tertio Testibus Radulfo de Diceto decano sancti Pauli Nicholao archidiacono Lundon[ie] Willelmo archidiacono Gloucest[rie] Parisio Rofensi archidiacono magistro Ricardo magistro scolarum Lundon[ie] magistro Padulfo theologo magistro Nicholao filio Clementis Roberto de Clifford magistro Hugone a Lundon[ia] magistro Henrico de Norhamt[onia] Ricardo iuniore Radulfo de Chilton Gilleberto Banastre canonicis Ricardo de Sares[biria] Ricardo Banastre Radulfo cantore Iohanne Witenge clericis Roberto de Fuleham Riginaldo camerario et multis aliis