Charter Document - 03180149
| Charter Number: | 03180149 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1182 - 1186 |
| Date type: | Assigned |
| Resource Link(s): |
|
Charter:
G[ilebertus] Dei gratia Londoniensis episcopus et Radulfus decanus et Nicliolaus archidiaconus London[ienses] omnibus sancte matris ecclesie filiis in Domino salutem Universitati vestre presenti scripto duximus intimandum quod cum cause cognitio que inter dilectos nostros Alanum priorem et fratres sancti Bartholomei et Petrum de Wakering super ecclesiam de Waker[ing] vertitur nobis a summo pontifice domno papa Ludo audienda et fini debito contradenda commissa fuisset nos domni pape mandatum effectui mancipare volentes predictum P[etrum] semel secundo demum etiam edicto peremptorio citare curavimus set cum nec per se nec per responsalem sufficientem coram nobis aliquatenus compareret prefatum priorem et fratres in possessionem ipsius ecclesie causa rei servande decrevimus inmittendos donec idem P[etrus] se nobis exhibens possessionem suam prestita cautione iudicio sisti recuperare mereretur Elapso vero anno cum memoratus P[etrus] nec per se nec per alium sui nobis copiam exhiberet habito super hoc cum viris discretis consilio sepedictum priorem et fratres veros iam dicte ecclesie possessores constituendos decrevimus et eos auctoritate qua fungebamur salva eidem P[etro] questione proprietatis in corporalem predicte ecclesie possessionem induci fecimus Bene valete