Charter Document - 03180147

Notum sit tam presentibus quam futuris quod ego Gillebertus Lundoniensis De[i] gratia episcopus g[r]atam habeo conventionem que habita est inter dilectum filium nostrum Richerium precentorem Rothomagensem [at]que canonicum ecclesie sancti Pauli et fratres hospitalis sancti Bartholomei Lundon[ie] super terra prebende ipsius Richerii super ea scilicet ipsius terre portione quam Willelmus de Heli diu tenuerat quamque fratribus ipsius hospitalis sub annua viginti sex solidorum pensione tenenda[m] concesserat hanc siquidem terram prenominatus Willelmus in manu nostra refutauit et iuri si quod umquam in ea habuerat plenere nuntiavit tandem itaque terram totam excepta ea portione quam Ricardus mercerius London[ie] habuit iam dictus Richerius prefatis fratribus hospitalis sancti Bartholomei de se in capite tenendam concessit annua viginti et sex solidorum pensione qui sibi quatuor terminis in Natale scilicet Domini et in Paschia et in Natale sancti Iohannis Baptiste et in festo sancti Michaelis solventur Hanc itaque convencionem ratam habeo et ut predicti fratres et eorum successores iam dictam terram in pace teneant quamdiu pensionem supra memoratam ipsi Richerio et successoribus eius legittime persolverint ea que nobis a Domino concessa est auctoritate et sigilli mei appositione confirmo Saneque hoc commemorandum existimo quod sepedicti fratres cum terra quam susceperunt onus in se omne suscipient et terram ipsam versus regem et officiales eius et alios quosque salva Richerio supramemorata pensione defendant Hiis testibus Roberto archidiacono Essex[ie] magistro Henrico de Norhamt[onia] magistro Hugone de London[ia] Ricardo Ruffo Roberto de Clifford Gilleberto Foliot Willelmo de Heli Michaele de Valecin[is] Roberto de Fulchani Gocelino piscatore Henrico filio Picardi magistro Ricardo de Storteford