Charter Document - 03180146
| Charter Number: | 03180146 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1180 |
| Date type: | Assigned |
| Resource Link(s): |
|
Charter:
Nonnullis innotuisse credimus quanto foveantur solacio Christi divertentes ad hospitale iuxta sanctum Bartholomeum in Lundon[ia] et quantis egeat domus illa que tot milibus singu[lis] diebus est necessaria et solacium ministrat universis Huius ergo tam religiose domus intuitu universitatem vestram hortamur attentius rog[an]tes et obsecrantes in domino et in remissionem vobis [in]iungentes delictorum quatinus latores presentium nuntios et procuratores illius venerabilis loci benigne inter vos ad seminandum dei verb[um] recipiatis et fratribus qui ibidem sunt divinis mancipati obsequiis per vos et per commissos vobis populos beneficiis et elemosinarum larg[it]ione misericorditer subveniatis Nos quoque de divina confisi misericordia omnibus qui pro a[more] Dei aliquod illi domui beneficium contulerint omnium orationum et beneficiorum Lundoniensis ecclesie concedimus participationem Valete