Charter Document - 03180136
| Charter Number: | 03180136 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1184 - 1187 |
| Date type: | Assigned |
| Resource Link(s): |
|
Charter:
Gilbertus Dei gratia Londoniensis episcopus dilecto filio Hugoni decano totique London[iensis] ecclesie capitulo et personas omnibus in episcopatu London[iensi] constitutis salutem gratiam et benedictionem Cartam venerabilis patris nostri bone memorie Teobaldi Cant[uariensis] dudum archiepiscopi et sedis apostolice legati cartas vero venerabilium predecessorum nostrorum Mauritii Ricardi quondam London[iensis] ecclesie pontificum diligenter inspeximus et eorum sicuti vestigia possessiones omnes et dignitates ipsorum auctoritate ecclesie de Dunmawe et canonicis ibidem Deo servientibus concessas et confirmatas nos quoque eidem ecclesie ea que nobis a Domino concessa est auctoritate concessimus et tam pagine presentis inscriptione quam sigilli nostri appositione confirmare curavimus Que ut in communem notitiam annotatione certa deducantur suis duximus exprimenda nominibus tenueras scilicet omnes et decimas et libertates et alia dona et incrementa in terris et hominibus pratis et pascuis in bosco et plano in decima prati et pannagii et molendinorum et communi pastura ville de Dunmawe duas etiam partes decime dominii de Henham et duas partes decime dominii de Nortun et duas partes decime dominii de Stereston et decimam dominii de Passefeld et decimam de terra Arnaldi le Blake in Berneston et decimam de Pakelesham cum assarta de Lewyneswod et de Acho et turbariam de Esteya sicut in cartis Roberti filii Ricardi et Walteri filii eius eidem ecclesie confirmata sunt nos in patrimonium et patrocinium ecclesie suscipimus et hec eis omnia episcopali auctoritate confirmamus Hiis testibus Roberto archidiacono Essex[ie] magistro Ricardo de Storteford []