Charter Document - 03180131

G[ilebertus] Dei gratia Lundoniensis episcopus universis sancte matris ecclesie filiis ad quos presentes littere pervenerint salutem in Domino Utiliter satis et necessarie provisum est ut ea scripture suffragio memorie commendentur per que litigandi tolli possit occasio et inter fratres habita perpetua paces gaudere valeat amicabilis compositio Inde est quod uniuersitati vestre presenti scripto significare curavimus causam que vertehatur inter monachos Lewenses et magistrum Osbertum de Brai super ecclesia eiusdem ville nobis a summo pontifice appellatione remota delegatam hoc tandem fine in nostra presentia utriusque partis in hoc concurrente assensu post quamplures hinc inde auditas allegationes conquievisse Prefatus siquidem Osbertus ius quod prefati monachi sibi in eadem ecclesia vendicabant eosdem in ipsa habere in iure recognovit et ut ecclesiam ipsam cum omnibus ad eam pertinentibus magistro Radulfo de Altaripa de eis sub unius fibre incensi vel sex denariorum pensione tenendam concederent assensum spontanee prebuit Iam dicti vero monachi et sepedictus R[adulfus] in hoc consenserunt ut memoratus Osbertus quamdiu vixerit eandem ecclesiam sub unius bisantii annua pensione in festo Purificationis beate Marie nomine ecclesie persolvendi de ipso R[adulfo] teneat et si eodem Osberto superstite iam dictum R[adulfum] contigerit in fata concedere in tantundem monachis ipsis vel cui pensionem ipsam assignare voluerint sine maiori exactione respondent Adiecerunt etiam quod prememoratum Osbertum sicut clericum eorum manutenere et iterum sibi patrocinium sicut fideli suo debeant impendere Nos igitur ea qua fungebamur auctoritate prefata ecclesia monachis de Lewes restituta ad presentationem eorum magistrum R[adulfum] in ecclesia de Brai sub predicta pensione unius fibre incensi vel sex denariorum de ipsis monachis tenenda suscepimus et postmodum ad petitionem et presentationem monachorum ipsorum et prelibati R[adulfi] memorandum Osbertum in eadem ecclesia perpetuum vicarium sub annua pensione unius bisantii predicto R[adulfo] nomine ecclesie persolvenda vel ipsis monachis si eundem R[adulfum] priusquam Osbertum mori contingat constituimus et quo firma debeant in posterum hec omnia et immutabilia permanere memorati R[adulfus] et Osbertus hanc se compositionem fideliter observaturos tactis sacrosanctis evangeliis iuramenti cautionem exposuerunt et nos eadem auctoritate summi pontificis et nostra presentis pagine inscriptione et nostri pariter sigilli appositione confirmavimus His testibus magistro Nicholao Lundon[iensis] ecclesie archidiacono Radulfo de Disceto Lundon[iensis] ecclesie archidiacono magistro David magistro Henrico de Norhamt[ona] magistro Ricardo de Storteford Gileberto Foliot canonicis Sancti Pauli Ricardo de Sarebir[ia] Radulfo de Cilton Milone Folet Alwardo le Mercier et multis aliis