Charter Document - 03180130
| Charter Number: | 03180130 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1170 - 1180 |
| Date type: | Assigned |
| Resource Link(s): |
|
Charter:
[Gilebertus] Dei gratia Londoniensis episcopus archidiaconis decanis et omnibus ecclesiarum prelatis per episcopatum Lundon[iensem] constitutis salutem gratiam et benedictionem Notum sit universitati vestre controversiam que inter monachos Lewenses et Ricardum clericum super ecclesia de Ritth vertebatur hoc tandem fine in nostra et capituli nostri Lund[onie] presentia conquievisse Predictus siquidem Ricardus in nostra et capituli nostri presentia iuri quod in eadem ecclesia de Ritth habere videbatur plene renuntiavit et eandem ecclesiam in manu nostra refutavit Nos itaque assensum in hoc prebentibus Henrico de Scaladis et Hugone filio eius eiusdem ecclesie advocatis eandem ecclesiam prenominatis monachis in perpetuam elemosinam concessimus et eos in prenominata ecclesia personas constituimus et eorundem petitione et presentatione sepedictum clericum ad perpetuam eiusdem ecclesie vicariam sub annua duorum solidorum pensione sepedictis monachis persolvendorum suscepimus Quod quia firmum et inconvulsum manere volumus presenti scripto et sigilli nostri appositione confirmare curavimus Hiis testibus Nicholao Radulfo archidiaconis London[iensibus] magistro David magistro Radulfo Ricardo Ruffo et Ricardo fratre eius Willelmo de Belmeys Stephano priore de sancta Trinitate magistro Ricardo de Storteford Rogero filio Mauritii Radulfo decano de Wadduna Galfrido capellano []