Charter Document - 03180126
| Charter Number: | 03180126 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1180 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus dilectis sibi in Doniino archidiaconis decanis presbiteris et omnibus eiusdem ecclesie parochianis et filiis salutem et omnis gratie plenitudinem Cum loca sanctorum omnium in quibus eorundem reliquie sancta fidelium devotione reposite beatam prestolantur octavam venerari sublimari et piis honorum largitionibus reverenter ampliari oporteat nulli dubium relinquitur illum precipue locum qui in vallis Iosaphat medio inter montem Syon et montem Oliveti sepulture beate matris Domini donatus est et ad humanitatis eius obsequium ab eterno provisus summe devotionis eius obsequiis debere celebriter excoli et ob eius memoriam que manibus angelorum inde incelum corporaliter etiam ut credimus evecta est modis omnibus honorari Agatis itaque dilectissimi monitis salutaribus acquiescite et nuntios beate matris Domini velud ab eius latere directos iocunda mente suscipite et de eorum gaudentes adventu de his que vobis a Domino collata sunt ut hylares decet datores in eorum manus confidenter reponite quod per eos beate matri Domini digne mittatis quo eius sepulturam exhornetis et locum quem previdit sibi filius eius Dominus Iesus ut ad se inde ascenderet collatis beneficiis infidelium repellendo rabiem defendatis Hiis vero qui nostris acquiescentes monitis in causam hanc aliquid de suo contulerint de beate matris Domini confisi patrocinio si in penitentia septem vel amplius annorum sunt viginti dies relaxamus si pauciori tenentur numero dies decem remittimus Valete in Cristo