Charter Document - 03180123
| Charter Number: | 03180123 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1186 - 1187 |
| Date type: | Assigned |
| Resource Link(s): |
|
Charter:
G[ilebertus] Dei gratia Londoniensis episcopus omnibus sancte matris ecclesie filiis per episcopatum London[iensem] constitutis in Domino salutem Ea que geruntur a nobis ad hoc scripture beneficio commendantur ne longiori tractu temporis ali quatinus memorie subducantur Hinc est quod ad universitatis vestre notitiam presenti volumus devenire scripto Ivonem clericum qui ecclesie de parua Mapeltrested personatu gaudebat iuri quod in eadem habebat publice coram nobis spontanee renuntiasse nosque [ad] petitionem et presentationem nobilis viri Willelmi filii Aldelini dilectis filiis nostris priori et fratribus Hospitalis Ierusalemit[ani] ecclesiam ipsam cum omnibus ad eam pertinentibus concessisset perpetuo dedisse ipsosque eiusdem personas ecclesie pontificali auctoritate salvis nobis et officialibus nostris debitis inde consuetudinibus et servitiis solempniter constituisse Quod quia perpetue firmitatis robur in posterum optinere desideramus pagina presenti et nostri atestatione sigilli confirmavimus Testibus Rogero de Wigorn[ia] Roberto Folet Radulfo de Chilton canonicis magistro Waltero de Wutton Iohanne Witteng Thoma Britton[e] et multis aliis