Charter Document - 03180120
| Charter Number: | 03180120 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1163 - 1174 |
| Date type: | Assigned |
| Resource Link(s): |
|
Charter:
[Gile]bertus Dei gratia Londoniensis episcopus dilectis in Domino filiis archidiaconis decanis et omnibus alii[s] qui in episcopatu London[iensi] consistunt ecclesiarum prelatis salutem gratiam et benedictionem Periatas ad nos viri nobilis et dilecti filii nostri Walteri filii Roberti cartas ipsius inpressas sigillo conspeximus quibus se ecclesiam de Burneham cum omnibus pertinentiis suis et ecclesiam de Wudeham cum omnibus que ad eandem pertinent Deo et sancto Iohanni Baptiste et sancto Hospitali Ierusalem fratribusque eidem Hospitali servientibus pro salute sua et heredum et omnium parentum suorum inperpetuam elemosinam concessisse testatur Quam nimirum donationem tum quia dantis saluti plurimum ut credimus profutura est tum quia fratrum predictorum in quos collata est donatio ad omnes qui [] adeundum sepulcrum Dominicum maris et terrarum se periculis exponunt karitas late diffusa est approbavimus Et ut firmum robur optineat et eorum saluti ob quos facta est in perpetuum valitura proficiat nos easdem ecclesias iam dictis fratribus Hospitalis Ierusalem ea que nobis a Domino concessa est auctoritate ipsos in eas personas constituendo concessimus et ut salvo iure London[iensis] ecclesie perpetuum in eisdem personatum optineant ipsas eis tam scripti presentis attestatione quam sigilli nostri appositione confirmavimus Hiis testibus Radulfo archidiacono Midelsex Henrico Banastre magistro Henrico de Norhamton Gilberto Foliot Rogero filio Mauritii Radulfo de Chiltona Ricardo de Saresbir[ia] et multis aliis