Charter Document - 03180112
| Charter Number: | 03180112 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1166 - 1180 |
| Date type: | Assigned |
| Resource Link(s): |
|
Charter:
G[ilbertus] Dei gratia Lundoniensis episcopus omnibus personas ecclesiarum que in archidiaconatu Colecestrie consistunt salutem gratiam et benedictionem Universitati vestre presenti scripto notificamus nos presentatione Willelmi prioris de Hethfeld et conventus sui conniventia Ricardo archidiacono Colecestrie ecclesiam de Bellomonte cum omnibus ad eam pertinentibus concessisse ipsumque in eam perpetuum vicarium salva predictis priori et monacis de Hethfeld annua trium marcarum pensione instituisse Et quia concessionem hanc predicto archidiacono ab ipsis monacis factam in detrimentum ecclesie de Hethfeld redundare nolumus sepedictis monacis concedimus ut postquam prenominatum archidiaconum contigerit in fata concedere liceat eis de ecclesia de Bellomonte pro voluntate sua libere disponere Nos igitur quia conventionem hanc firmam et inconvulsam manere volumus eam scripti presentis attestatione et sigilli nostri appositione testificari pariter et confirmare curavimus His testibus Gilleberto Foliot magistro Radulfo de Altaripa Rogero filio Mauritii Radulfo de Chiltona Hugone capellano de Heddeh Gaufrido capellano de Hethfeld Willelmo Foliot senescallo Reginaldo camerario Waltero Foliot Roberto de Baut Willelmo Morin et aliis multis