Charter Document - 03180111
| Charter Number: | 03180111 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1163 - 1174 |
| Date type: | Assigned |
| Resource Link(s): |
|
Charter:
Gilebertus Dei gratia Lundoniensis episcopus dilectis in Domino sibi Roberto eadem gratia Hereford[ensi] electo totique eiusdem ecclesie capitulo salutem Que ad pacem ecclesie stabiliendam seu tutius muniendam pertinere dinoscimus iis diligentius assensum dare et ut in perpetuum valitura permanent hec scriptis et munimentis aliis roborare caritate id procul dubio suggerente debemus Ea propter fraternitati vestre presenti scripto notificamus causam que inter venerabilem fratrem nostrum Rogerum priorem Malvernie et Rogerum sacerdotem de Lenhal super ecclesiam de Lenhal diu ventilata est et ob varios eventus rerum protracta plurimum super qua mandatum apostolicum accepimus ut ei aut finem amicabili compositione imponeremus aut ipsam auditis utrimque partibus canonico fine decideramus in presentia nostra hoc tandem [modo] conquievisse et finem paci congruum accepisse Predictus siquidem Rogerus de Lenhalius ecclesie de Malvernia in sepe dicta ecclesia de Lenhal recognoscens ipsam in manu nostra resignavit et priorem [et] ecclesiam de Malvernia per manum nostram apostolica auctoritate eadem investiri concessit Quo debita sollempnitate peracto prior totius capituli sui assensu eandem ecclesiam ipsi Rogero per manum nostram apostolica interveniente auctoritate annua dimidie marce pensione in Pascha solvenda tota vita sua tenendam concessit hoc etiam in caritatis augmentum totius capituli sui conniventia annuens ut cum predictus Rogerus aut vita decesserit aut se ad frugem melioris vite transtulerit Walterus presbiter de Daubo qui in eadem ecclesia nomine Rogeri aliquandiu ministravit in eadem nomine prioris et ecclesie de Malvernia ministret et usque vel decesserit vel seculari vite renuntiaverit annua marce unius pensione in Pascha persolvende annuatim perpetuus in ea vicarius perseveret Nominato vero Waltero vel obeunte vel se ad religionis habitum transferente ecclesia de Lenhal cum omni integritate sua Malvernensis ecclesie bonis acerescat ipsamque Malvernensis ecclesia de cetero plene possideat Quod quia salvo iure Hereford[ensis] ecclesie ratum inconvulsumque manere decernimus scripti presentis annotatione et sigilli nostri appositione confirmamus Hiis testibus Roberto de Broi Mauricio de Sabricteswrd Rogero de Hereford[ia] Ricardo de Saresber[ia] Lodowico Waltero elemosinario magistro Willelmo de Bernes Hugone capellano de Hedam Samsone clerico prioris Reginaldo camerario Waltero Foliot Ricardo Brudle Iocelino Alano