Charter Document - 03180106

Universis sancte matris ecclesie filiis G[ilebertus] Dei gratia Lundoniensis episcopus salutem in Domino Universitati vestre notificamus causam que inter fratres Ierosolimitani Hospitalis et abbatem de Egnesham et priorem de Dunstapl super ecclesia de Merston vertebatur a domno papa nobis delegatam in presentia nostra amicabili compositione in parte hoc modo conquievisse Partibus siquidem in presentia nostra die sibi prefixa constitutis cum iam dictus abbas et prior de Dunstapl prefate ecclesie pro equis partibus se assererent possessores seque iam dictis fratribus obicerent adversarios post multas partium allegationes iam dictus abbas medietatem ecclesie prenominate in manus nostras libere et absolute resignavit ipsis fratribus assignandam et concedendam Nos itaque auctoritate apostolica in iam dictam medietatem sepedictos fratres suscepimus eosque in ea debita cum sollempnitate instituimus Predicti vero fratres ipsi abbati et ecclesie de Egnesham [redditum] unius marce in Oxeneford[ia] perpetuo iure et libere et inconcusse tenendum dederunt et concesserunt hac quidem adiecta conditione si prior de Dunestapl adversus sepedictos fratres supramemoratum medietatem petierit et si in causa optinuerit ecclesia de Egnesham prefatum unius marce redditum non amittet Hoc etiam in conventione adiectum est quod si sepedictus abbas de Egnesham redditum ilium per potentiam alicuius aut aliqua vi maiore amiserit predicti fratres de Hospitali alibi tantundem redditus et dabunt et concedent Hanc conventionem quia ratam et inconvulsam perpetuo manere volumus presenti scripto et sigilli nostri attestatione confirmare et communire decrevimus Testibus Roberto episcopo Herefordensi Radulfo archidiacono Colecestrie magistro Ricardo de Storteford magistro Henrico de Norhamton magistro Nicholao de Leuechenor Rogero de Wigornia Ricardo Banastr[e] Iohanne Wite[n]ge Bartholomeo nepote abbatis