Charter Document - 03180105
| Charter Number: | 03180105 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1180 - 1181 |
| Date type: | Assigned |
| Resource Link(s): |
|
Charter:
G[illebertus] Dei gratia Lundoniensis episcopus omnibus sancte matris ecclesie filiis ad quos hec littere pervenerint salutem in Domino Ad omnium vestrum volumus devenire notitiam causam que vertebatur inter dilectum filium nostrum H[ugonem] priorem et monachos de Colan et A[lexandrum] personam ecclesie de Roinges super possessione quarundam decimarum et super violentia quadam priori et monachis ut dicebatur ab Alexandro illata hoc modo conquievisse Memoratus A[lexander] in nostra et multorum prudentum et discretorum virorum presentia constitutus et a nobis diligenter requisitus utrum ecclesia de Colun predictas decimationes possederit coram nobis confessus est prescriptam ecclesiam de Colun dictas decimationes quibus se per Alexandrum spoliatos violenter fuisse monachi proposuerunt per multos annos inconcusse possedisse et eas in pace tenuisse Repromisit etiam dictus A[lexander] firmiter quod occasione possessionis quam ut dicebatur a monachis nactus est violenter nullam eis vel ecclesie sue in posterum controversiam movebit aut aliquas eis exinde rites suscitare studebit Hec quidem gesta sunt ut utriusque ius ecclesie et de Colun et de Roinges conservetur illesum et nulla eis occasione predicta lesio generetur vel detrimentum Nos itaque rebus sic coram nobis gestis sepedictis priori et monachis possessionem decimationum que causa litis extiterant episcopali auctoritate cum integritate restituimus et statu pristino in integrum reformato has utrique parti literas in testimonium indulsimus Testibus Gilleberto archidiacono Middelsex[ie] Radulfo archidiacono Colocestr[ie] magistro Hugone a Lundon[ia] magistro Ricardo a Storteford Ricardo de Saresbir Radulfo a Chilthon Iohanne Witeng et multis aliis