Charter Document - 03180103
| Charter Number: | 03180103 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1163 - 1180 |
| Date type: | Assigned |
| Resource Link(s): |
|
Charter:
G[ilebertus] Dei gratia Lundoniensis episcopus dilectis sibi in Domino universis eiusdem ecclesie parochianis et filiis salutem gratiam et benedictionem Quo magis dilectissimi inter caritatis opera lucet elemosinarum largitio eo propensius earum erogationi insistere vos exortamur in Domino Si enim opera misericordie in huius seculi peregrinatione seminatis multiplicato fructu vitam eternam metetis in celo Unde rogamus [et] monemus vos attentius quatinus inopie fratrum de Cu[m]wella qui pro defectis facultatibus ecclesiam sue religione congruam construere non possunt compatiamini et pia ducti compassione eis optata subsidia eternorum intuitu prebeatis ut vestris adiuti suffragiis oratorio sibi constructo ferventissime legi mandatorum Dei inherere possint Nos vero his qui de suis facultatibus eidem loco quicquam largiti fuerint de Dei misericordia confisi de eorum penitentia decem dies relaxamus et bonorum omnium que in nostra fiunt ecclesia adiuvante Domino eos participes constituimus Valete