Charter Document - 03180101
| Charter Number: | 03180101 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 - 1187 |
| Date type: | Assigned |
| Resource Link(s): |
|
Charter:
Gilebertus Dei gratia Londoniensis episcopus omnibus sancte matris ecclesie filiis ad quos hec littere pervenerint salutem in Domino Ad communem omnium vestrum volumus devenire notitiam cartam dilecti filii nostri Ailuuardi domni regis camerarii nobis fuisse presentatam ex cuius tenore perpendimus iam dictum A[iluuardum] pro sua suorumque salute concessisse Deo et ecclesie sancti Iohannis Baptiste Col[ecestrie] et monachis ibidem Deo famulantibus in liberam et perpetuam elemosinam quicquid decimari debet in dominio suo de Chaluedon preter decimam unius marisci quam ecclesie de Beanflet idem A[iluuardus] assignavit Quam nos concessionem ratam habemus et acceptam et ut firma memorate ecclesie et predictis monachis perpetuo permanent ea qua fungimur auctoritate concedimus et pagine presentis inscriptione et nostri pariter appositione sigilli confirmamus Testibus Radulfo de Chilth[ona] canonico ecclesie beati Pauli Waltero filio Walteri Radulfo cantore Iohanne Witing Stephano Walensi Gilleberto magistro Pagano clericis Roberto Par[age] et aliis multis