Charter Document - 03180097
| Charter Number: | 03180097 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1169 - 1173 |
| Date type: | Assigned |
| Resource Link(s): |
|
Charter:
Gilebertus Dei gratia Lundoniensis episcopus omnibus sancte matris ecclesie filiis ad quorum notitiam presens scriptum pervenerit salutem Quoniam presentis etatis malitiam ad nocendum bonis pronam conspicimus esse et paratam necesse est ut ecclesiis et ecclesiasticis personas et maxime viris religiosis iura sua integra servare curemus et illibata Hinc est quod dilectorum filiorum nostrorum monachorum ecclesie sancti Iohannis Baptiste et precursoris Domini de Colecestr[ia] honestatis famam et religionis attendentes fragrantiam ut eorum quieti in futuro cura provideamus pastorali possessiones sibi a fidelibus pie collatas tam in ecclesiis quam in ecclesiasticis beneficiis episcopali auctoritate confirmamus inprimis ecclesiam de Brithlingesya in eorum fundo sitam et in eadem ecclesia annuum canonem sexaginta solidorum sibi solito more statutis terminis percipiendorum et de dominio duas partes decimarum ecclesiam de Wilege et ex eadem ecclesia annuum canonem decem solidorum et de dominio duas partes decimarum ecclesiam de Ardleg et eius ecclesie omnes proventus salva honesta sustentatione vicarii in eadem ecclesia ministrantis ecclesiam de Estdoniland et ex eadem ecclesia annuum canonem dimidie marce et de dominio duas partes decimarum ecclesiam de Grenstede et ex eadem ecclesia annuum canonem quinque solidorum et de dominio omnes decimas ecclesiam de Hea et ex eadem ecclesia annuum canonem quinque solidorum ecclesiam de Nieweseles cum omnibus eius pertinentiis et de ecclesia de Turitun annuum canonem trium solidorum preterea duas partes decimarum Walteri de Haia in Dikeleya et duas partes decimarum eiusdem Walteri in Mereseya et omnes decimas de Suthefleet Rogeri de Vilers capellam etiam intra castellum de Colecestr[ia] cum omnibus pertinentiis capellam sancte Helene cum pertinentiis tertiam partem ecclesie sancti Petri intra muros Colecestr[ie] ecclesiam sancti Egidii totam in eorum cimiterio fundatam de Boitun duas partes decimarum dominii de Thakeleg duas partes decimarum dominii de Aedgareslawe omnes decimas preter tres travas frumenti et tres travas avene et preter unum purcellum et unum agnum que debentur more solito ecclesie parochiali duas partes decimarum de Piches[eya] et totam decimam dominii de Hornud[ona] Everardi et duas partes decimarum de Legra et quasdam decimas quas habent in aliis duabus Legris preterea totam decimam pasnagii porcorum Eudonis dapiferi et virgultorum et molendinorum eiusdem Eudonis ecclesiam sancte Marie de Niewecherche cum omnibus pertinentiis capellam etiam sancti Stephani martyris super Walebroche sed et omnes possessiones suas in episcopatu Lundoniensi constitutes Confirmamus etiam eidem sancte ecclesie sancti Iohannis ecclesiam de Piches[eya] in eorundam fundo sitam leges etiam et consuetudines tam ab illustri rege Anglorum H[enrico] quam a bone memorie et M[auricio] et Ricardo predecessoribus nostris quondam Lundoniensis ecclesie episcopis eidem sancte ecclesie Baptiste et precursoris Domini indultas nichilominus confirmamus et episcopali auctoritate inperpetuum communimus Hiis testibus Ricardo archidiacono Pictav[ensi] Iohanne decano Sar[esberiensi] Reginaldo archidiacono Sar[esberiensi] Thoma archidiacono Baton[iensi] Ricardo archidiacono Colecestr[ensi] magistro Nicholao canonico magistro Henrico de Norhanton magistro Iohanne Hierteshorn Ricardo Waltero capellanis