Charter Document - 03180089

G[ilebertus] Dei gratia Lundoniensis episcopus omnibus sancte matris ecclesie filiis ad quos presentes littere pervenerint salutem in Domino Que ad litium propellendas iniurias et stabilienda bona pacis aguntur memorie non inmerito tenacius debent inprimi et quo robur optineant in futurum scripti cuiuslibet auctoritate fulciri Inde est quod universitati vestre presentium litterarum testimonio curavimus intimare controversiam que vertebatur inter magistrum Radulfum de Altaripa magistrum scolarum Lundon[ie] et G de sancto Audoeno militem super capella de Botenecca quam prefatus R[adulfus] ad ecclesiam suam de Burgested iure parochiali omnimodis asseruit pertinere et in qua econtra memoratus G ius se dicebat advocationis habere debere hoc tandem fine in nostra presentia conquievisse Sepedictus siquidem Radulfus voluntate assensu et beneplacito prefati G militis capellam ipsam toto vite sue tempore quiete tenebit et libere et tam oblationes quam obventiones et cetera ad prefatam capellam pertinentia sine molestia aliqua ipsius militis vel heredum suorum uvl hominum ipsius debebit absque onini contradictions percipere Est autem hec compositio celebrate salvo in omnibus iure ipsius militis et heredum suorum quod in eadem capella debebunt habere et sine aliqua ecclesie de Burgestede in iure suo diminutione salvo etiam debito ipsi capelle servitio quod idem magister Radulfus prestari faciet qui emolumentum quod exinde poterit provenire redpiet Et ne huius facti memoriam protractione temporis diurnitas debeat ab holere pagine presentis id annotatum inscriptione dependentis ab ea sigilli nostri testimonio curavimus roborare His testibus Waltero filio Roberti Rogero de Wigorn[ia] Ricardo de Saresbir[ia] magistro Radulfo precentore Waltero elemosinario Ricardo Banastr Iohanne Witenc Theobaldo Paste Odone de Burneham Iohanne [] Willelmo preposito Hundredi