Charter Document - 03180088

G[ilebertus] Dei gratia Lundoniensis episcopus omnibus sancte matris ecclesie filiis quos presentes littere pervenerint salutem in Domino Odiosas querela antium lites efficaciter videtur secludere qui autenticis litterarum monimentis modum quo fuerint semel extincte procurat excipere Inde est quod universitati vestre presenti scripto curavimus intimare controversiam que vertebatur inter ecclesias de Bulemere et de Brandune motam magistro Radulfo de Altaripa a Waltero de Bulemere clerico et complicibus suis omnium eorum clericorum qui in prefata ecclesia de Bulemere aliquid sibi iuris vendicabant videlicet dilecti filii nostri Radulfi de Disceto Lundon[iensis] ecclesie archidiaconi Gileberti etiam de Geldham decani et prefati Walteri necnon et Iohannis Lemanant militis predicte ecclesie de Brandune patroni et memorati Radulfi de Altaripa eiusdem persone communi voluntate et in hoc concurrente assensu hoc tandem fine in nostra presentia assidente nobis venerabili fratre nostro Roberto Herefordensi episcopo conquievisse Prenominate siquidem ecclesie de Brandune persona de eadem nomine ecclesie singulis annis ecclesie de Bulemere duos solidos sterlingorum unam medietatem infra octabas Pasche reliquam infra octabas beati Michaelis persolvet salvo iure advocationis sepe dicte ecclesie de Brandune prefato Iohanni militi et eius heredibus ut scilicet persona decedente liceat ipsis libere et sine contradictione clericorum ecclesie de Bulemere ad iam dictam ecclesiam de Brandune personam idoneam dioecesiano episcopo presentare que post suam institutionem de persolvenda predicta pensione duorum solidorum ecclesie de Bulemere sicut prefatus Radulfus iam prestitit fidelitatem prestare debebit Supra quam pensionem ecclesie de Bulemere vel eius personis ab ipsa ecclesia de Brandune vel eius personis nichil umquam exigere licebit In hac etiam compositione ita inter eosdem conventum est quod terre illius que est de feudo Iohannis Lemanant et ab opposito domorum ecclesie de Brandune versus occidentem ex altera parte vie eidem vie proxima iacet ius parochiale tam in hominibus quam in decimis et ceteris omnibus cum ipsa terra ecclesie de Brandune sine aliqua questione sibi ab ecclesia de Bulemere vel eius personis movenda in perpetuum remanebit Sed econtra de terra Hugonis de Ponte licet sit de feudo prefati Iohannis vel de terra Willelmi de Chantelu que sub nemore iacet nullum ius parochiale sibi de cetero vendicabit De hac vero compositione firmiter et inviolabiliter observanda prefati archidiaconus et decanus Walterus etiam et magister Radulfus fidei religionem interposuerunt et nos ut in posterum firma sit et inviolata permanent presentis eam pagine inscriptione confirmavimus et nostri pariter appositione sigilli roboravimus Facta est autem Lundon[ie] apud sanctum Paulum anno ab incarnatione Domini MCLXXVIII quarto nonas Decembris His testibus Roberto Herefordensi episcopo Hugone decano sancti Pauli Richardo archidiacono Colecestr[ie] magistro Henrico de Norhamt[onia] magistro Ricardo de Storteford Gileberto Foliot canonicis sancti Pauli Radulfo Foliot Herefordensis ecclesie canonico Rogero filio Mauritii Ricardo de Sarebir[ia] Radulfo de Ciltona Milone Folet clericis nostris Roberto senescallo domni Herefordensis Waltero scripture David sacerdote Fabiano clerico Radulfo de Binham Ricardo Maleshwre