Charter Document - 03180079
| Charter Number: | 03180079 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1175 - 1180 |
| Date type: | Assigned |
| Resource Link(s): |
|
Charter:
G[ilebertus] Dei gratia Londoniensis episcopus omnibus sancte matris ecclesie filiis per episcopatum Londoniensem constitutis salutem gratiam et benedictionem Providendum nobis est ne controversie coram nobis decise iterum reviviscant in litem Proinde volumus ad omnium pervenire notitiam quod cum inter dilectam ac venerabilem filiam nostram Matildem abbatissam de Berking et eiusdem loci conventum ex una parte et ecclesiam de Potuluesperie et R Abricensem archidiaconum personam ecclesie de Potuluespirie ex altera parte super ecclesia sancti Eadmundi de Ging et super iure parrochiali decimarum et parrochianorum de Ging et de Hanleia in presentia nostra controversia diu verteretur post multas tandem hinc inde altercationes utraque parte presente legittime facta est nobis fides quod prelibata ecclesia sancti Eadmundi de Ging cum iure parrochiali omnium decimarum et omnium parrochianorum de Ging et de Hanleia ad memoratam abbatissam de Berching et eiusdem loci conventum de iure spectabat et quod iam dictus R Abricensis archidiaconus nomine ecclesie sue de Potuluespirie eam illicite detinebat occupatam nos igitur causa cognitionaliter examinata et partibus comminus constitutis sepedictam ecclesiam sancti Eadmundi de Ging cum iure parrochiali omnium decimarum et omnium parrochianorum de Ging et de Hanleia liberam perpetuo et penitus absolutam ab omni parrochiali subiectione ecclesie de Potuluesperie sepedictis abbatisse et conventui de Berching adiudicavimus ipsamque eis cum omnibus pertinentiis suis in terris in decimis in oblationibus et obventionibus sive quibuscunque rebus aliis ad ipsam pertinentibus iam sive postmodum perventuris in pace et quiete libere et pacifice perpetuis temporibus possidendam auctoritate pontificali assignavimus Quod quia perpetuum et firmum stabilitatis volumus in posterum robur habere presentis scripti patrocinio et sigilli nostri appositione confirmare curavimus Preterea sciendum est nos ad petitionem et presentationem prelibate M[atildis] abbatisse de Berching et eiusdem loci conventus postquam antefata ecclesia de Ging ipsis fuit a nobis adiudicata concessisse et dedisse eam Willelmo filio Walkelini cum omnibus pertinentiis suis in terris in decimis in oblationibus et obventionibus ipsumque in ea debita sollepnitate constituisse personam sub annua pensione duorum cereorum quatuor librarum cere super maius altare monasterii Berchingensis in festo sancte Athelburge virginis singulis annis solvendorum Testibus hiis Nicholao archidiacono London[ie] Radulfo de Diceto archidiacono Middelsexie magistro Henrico de Norhamton magistro Ricardo de Storteford magistro Radulfo de Altaripa Gileberto Foliot Radulfo de Chilitun Ricardo de Saresbir[ia] Waltero elemosinario Lodewico clericis