Charter Document - 03180078
| Charter Number: | 03180078 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1163 - 1180 |
| Date type: | Assigned |
| Resource Link(s): |
|
Charter:
G[ilebertus] Dei gratia L[undoniensis] episcopus dilectis sibi in Domino archidiaconis decanis et omnibus qui in episcopatu Lund[oniensi] consistunt ecclesiarum prelatis salutem gratiam et benedictionem Noverit dilectio vestra quod R clericus de Ardel ecclesiam de Ardel in manus nostras tam spontanee quam absolute resignavit seque quod nichil in ea iuris ulterius esset repetiturus interposita iuramenti religione obligauit Quam nos petitione quidem et presentatione advocati dilecto nostro G de Sur cum omni integritate sua perpetuo habendam et canonice possidendam concessimus ipsumque in ea personam debita solempnitate constituimus Quod quia in dubium nolumus aut in irritum de cetero posse revocari presenti scripto universitati vestre id notificare et episcopali auctoritate confirmare curavimus His testibus