Charter Document - 03180073
| Charter Number: | 03180073 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1152 - 1154 |
| Date type: | Assigned |
| Resource Link(s): |
|
Charter:
Ricardus dei gratia Lond[oniensis] episcopus omnibus sancte matris ecclesie fidelibus salutem Sciatis nos concessisse et presentis scripti pagina confirmasse deo et ecclesie beate Marie et sancti Leonardi de bosco de Ginges et Tobie et fratribus suis deo ibidem servientibus et in perpetuum servituris unam hydam terre que est circa eandem ecclesiam quam Michael Capra dompnus fundi eidem loco in puram et perpetuam elemosinam donavit et carta sua confirmavit et padnagium ad quadraginta porcos et pasturam ad omnem pecuniam quam dominus deus eidem loco dederit et decimam de proprio feno ipsius Michaelis et decimam de molendino suo et ligna ad ignem eorum sufficiencia et ecclesiam sancti Egydii in eadem villa cum omnibus pertinenciis suis in proprios usus habendam et decimas novalium eorum que propriis manibus aut sumptibus colunt sive ex nutrimentis animalium eorum et omnes decimas et obvenciones hominum eorum qui super prefatam hydam manent cum omnibus ecclesiasticis consuetudinibus Ceteras eciam donaciones que pietatis intuitu eidem loco in posterum conferentur stabiles et firmas permanere volumus Si quis igitur contra hanc nostram confirmacionem venire presumpserit et predicto loco iniuriam vel molestiam aliquam fecerit omnipotentis dei et beati Pauli et nostram malediccionem incurrat Testes huius confirmacionis hii sunt Radulfus decanus sancti Pauli Lond[oniensis] Willelmus archidiaconus Ailwardus archidiaconus Hugo de Mareg magister Albericus Nicholaus Walterus Theoricus