Charter Document - 03180064
| Charter Number: | 03180064 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1152 - 1162 |
| Date type: | Assigned |
| Resource Link(s): |
|
Charter:
Ricardus dei gratia London[iensis] episcopus universis London[iensis] ecclesie parochianis et omnibus sancte matris ecclesie filiis in domino salutem Que ex votis fidelium et largitione eorundem ecclesiis vel personis ecclesiasticis beneficia devolvuntur confirmare et corroborare episcopalis consuevit auctoritas Hinc est quod nos ecclesie de Dunmaw et canonicis ibidem in habitu religionis deo regulariter servientibus auctoritate domini et beati Pauli et nostra concedimus et confirmamus et presentis scripti pagina communimus ius advocationis ecclesie de Burnham et ipsam eandem ecclesiam quam dilectissimus filius noster Walterus filius Roberti ammonitione et petitione nostra eis dedit et concessit et carta sua nobis mediantibus confirmavit Insuper et alias possessiones suas eis confirmamus in terris et decimis et omnia alia beneficia que eisdem ecclesie et canonicis tam dictis pro salute animarum suarum contulerunt in cartis suis Robertus filius Ricardi et Matildis de Seint Liz uxor eius et Walterus predictus filius eorum et ceteri honesti viri et nobiles Quapropter auctoritate qua fungimur interdicimus et prohibemus ne quis predictos filios nostros canonicos vel eorum ecclesiam vel bona eidem ecclesie pertinentia iniuste aut pertinaciter vexare vel perturbare aut inquietare presumat Quod si quis ausu improbo aut temerario attemptaverit sciat se omnipotentis dei ac domini nostri indignationem et ecclesie London[iensis] incursurum offensionem et nostram maledictionem