Charter Document - 03180054
| Charter Number: | 03180054 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1142 |
| Date type: | Internal, A.D. |
| Resource Link(s): |
|
Charter:
R dei gratia Lundon[iensis] episcopus dilectis in Cristo filiis decano et archidiaconis et toti capitulo sancti Pauli et omnibus baronibus sancti Pauli et omnibus fidelibus et filiis sancte ecclesie per episcopatum Lund[oniensem] constitute salutem in domino et benedictionem nostram Sciant omnes tam presentes quam futuri quoniam in audientia et presentia nostra per barones nostros et per legales homines ecclesie nostre clericos et laicos evidenter et sine omni ambiguitate inquisitum et recognitum est quoniam Rannulfus Pevrellus cuius corpus in nostra requiescit ecclesia dedit deo et sancto Paulo pro salute anime sue in perpetuam elemosinam terram que vocatur Edburghetona ad usum luminaris ecclesie per manum decani et capituli ecclesie sancti Pauli Nos vero ecclesiam ipsam vel capitulum de bonis suis in nullo minuere vel deprimere cupientes set deo propiciante in multis ampliare et conservare pro nostra possibilitate studendo volentes terram prefatam deo et sancto Paulo et decano et capitulo ad eundem usum luminaris ad quod data est tamquam suam propriam gratanter concedimus libere reddimus quiete confirmamus rogantes et in Cristo commonentes omnes successores nostros ut huic pie et iuste concessioni nostre debitum assensum prebeant et omnes eam infringere vel imminuere presumentes debita pena coherceant Et ut hec confirmatio nostra rata et inconcussa in sempiternum maneat paginam istam presentis sigilli nostri impressione munimus et subscriptorum fratrum nostrorum testimonio corroboramus statuentes ut omnes eam concessionem deo et sancto Paulo fideliter conservantes benedictionem dei et beati Pauli et nostram suscipiant infestantes vero vel aliquo modo minuentes indignationem dei et sancti Pauli et omnium sanctorum dei merito sentiant et nisi resipuerint anathemati subiaceant Data Lond anno incarnationis dominice MCXLII episcopatus nostri primo presentibus fratribus et filiis nostris Radulfo decano et Ricardo Ruffo et Ricardo de Belmeis et Ailwardo archidiaconis Rogero Bruno dapifero Willelmo de Hochend[ona] et Willelmo filio eius et Osberto Masculo et Laurencio Bucc[ointe] et magistro Andrea Salomone de Stubeheia apud Londoniam in solempnitate pascali