Charter Document - 03180022
| Charter Number: | 03180022 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Release |
| Date: | 1123 - 1127 |
| Date type: | Assigned |
| Resource Link(s): |
|
Charter:
R dei gratia Londoniensis ecclesie etsi indignus minister W[illelmo] decano totique capitulo sancti Pauli et omnibus civibus civitatis Lond[onie] cunctis quoque parochianis prefate ecclesie salutem et dei benedictionem et suam Ad ecclesiam sancti Pauli nostro regimini a deo commissam fratres dilectissimi providentia patris nostri Willelmi Cantuarie archiepiscopi et quorundam nostrorum qui interfuerunt coepiscoporum alterum brachium sancte Oside ad maxime venerandam nostri loci sanctitatem nostrorumque et omnium peccatorum consolationem transferri curavimus omnibus illam in suscipiendo de se et suo quantulocumque venerantibus xx dies de suis penitentiis paterne remittentes Relaxamus etiam singulis annis vii dies sue penitentie universis qui in illius festivitate ad eandem ecclesiam in nomine domini et illius sancte veneratione devote convenerint Valete