Charter Document - 03180002
| Charter Number: | 03180002 |
|---|---|
| Cartulary Title: | London 1076-1187 Volume 15 |
| Charter Language: | Latin |
| Charter Origin: | Religious |
| Charter Type(s): | Profession of Obedience |
| Date: | 1086 |
| Date type: | Assigned |
| Resource Link(s): |
|
Charter:
Cum omnis ad ecclesiasticam dignitatem promovendus de observantia suscipiendi ordinis ordinatori suo canonica auctoritate professionem facere debeat multo magis eam facere debet qui aliis preesse desiderat Iniuste enim a subiectis suis obedientiam exigit qui eam prelato suo exhibere contemnit Propterea venerabilis pater Lanfrance sancte Cantuariensis ecclesie archiepiscope et primas totius Britannice insule ego Mauricius Lundoniensis ecclesie electus antistes tibi tuisque successoribus secundum canones et instituta sanctorum patrum obediturum me esse promitto et de obedientia mea professionem tibi manu in manum tuam trado et porrigo quatinus omnipotens deus quo humilius ad tantum mysterium a me acceditur eo misericordius per manus tuas adveniente spiritu sancto suo me sacrare dignetur