Charter Document - 03170078
| Charter Number: | 03170078 |
|---|---|
| Cartulary Title: | Coventry and Lichfield 1072-1159 Volume 14 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1152 - 1159 |
| Date type: | Assigned |
| Resource Link(s): |
|
Charter:
Walterus Dei gratia Coventrensis ecclesie episcopus omnibus sancte matris ecclesie fidelibus salutem Noverit caritas vestra me concessisse et episcopali auctoritate confirmasse donationem illam quam fecit Gilebertus filius Picoti priori Wigornensis ecclesie et toti eiusdem ecclesie conventui super ecclesia sancte Marie super Blitham quam Heimericus quondam possederat ex donatione videlicet Rodberti de Ceraso Hanc quam Henricus filius prefati Heimerici defuncto patre hereditaria successione aliquandiu sibi presumptuose usurpaverat tandem satisfaciens in plena sinodo voluntate spontanea idem Henricus predictam ecclesiam cum pertinentiis suis in manu archidiaconi refutavit et coram omnibus in perpetuum quietam clamavit priori et pretaxato Wigornensis ecclesie conventui Volumus igitur ut ipse prior et totus Wigornensis ecclesie conventus hanc sepenominatam ecclesiam habere teneant et cum omnibus que ad eam pertinent perpetualiter possideant in terris et esartis in silvis et pratis et pascuis cum eadem libertate quam Robertus de Ceraso concessit et dedit prefato Heimerico Iterum etiam concedo necnon et auctoritate episcopali confirmo supradicto priori et conventui ecclesiam de Pachintona cum una virgata terre quam prememoratus Gilebertus filius Picoti ecclesie Wigornensi concessit et perpetualiter donavit Preterea quoque confirmo eis molendinum unum quod dedit eis Gilebertus in eadem villa et pratum unum et novam terram que fuit Turchilli salvo tamen per omnia iure episcopali Testibus Helia archidiacono de Stafford []