Charter Document - 03170074
| Charter Number: | 03170074 |
|---|---|
| Cartulary Title: | Coventry and Lichfield 1072-1159 Volume 14 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1155 |
| Date type: | Assigned |
| Resource Link(s): |
|
Charter:
Walterus Dei gratia Conventren[sis] episcopus omnibus sancte matris ecclesie filiis salutem Quoniam ad nostri officii sollicitudinem spectat non solum fideles ad elemosinarum exhibitionem hortari sed et eorum elemosinas scripto et auctoritate nostra corroborare presentis scripti paginam confirmamus Iohanni priori de Trentham et fratribus suis et ecclesie sancte Marie et Omnium Sanctorum de Trentham centum solidatas terre et omnia pertinentia predicte ecclesie sicut eis concessum est in carta regis Henrici et Rannulfi comitis Cestrie Insuper et pro Dei amore et anime mee et antecessorum meorum episcoporum et omnium salute sinodalem pensionem et inmunitatem ceterarum consuetudinum omnium quam predecessores mei Robertus Peccatum et Rogerus bone mem[o]rie episcopi ecclesie de Rouecestra et vicinis ecclesiis eodem ordine degentibus remiserunt ampliorem et liberiorem eis remittimus et penitus absolvimus pro Dei amore et petitione virorum religiosorum magistri Willelmi de Rademora et Rad[ulfi] abbatis Cestrensi et Ivonis abbatis Rouecestrie quorum testimonio presens carta roboratur et testibus Gregorio monacho et Radulfo monacho