Charter Document - 03170068
| Charter Number: | 03170068 |
|---|---|
| Cartulary Title: | Coventry and Lichfield 1072-1159 Volume 14 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1155 |
| Date type: | Assigned |
| Resource Link(s): |
|
Charter:
Walterus Dei gratia Coventr episcopus omnibus sancte matris ecclesie filiis tam posteris quam presentibus salutem Fidelium oblationes quas pietatis intuitu religiosorum fratrum conventibus canonice inpenderint confirmare eorumque devotioni assensum prebere ad episcopalem maxime spectat sollicitudinem Itaque Ricardus de Beumeys decanus ecclesie sancti Alcmundi de Salop assensu regis S et sanctione domini pape eandem ecclesiam in melius reformans canonicos religiosos de ordine Arroasie sub obedientie iugo Cristo militantes in ea constituens canonicis secularibus prefate ecclesie in eorum prebendas et beneficia subrogavit Dedit quoque eis prebendam suam propriam scilicet Lilleshull et Ettingham cum omnibus earum pertinentiis Qui egressi de ecclesia sancti Petri de Dorkecestr abbatiam ad honorem perpetue virginis Marie in bosco de Lillesh edificare ceperunt Hanc donationem liberam et quietam et ab omni exactione absolutam a domino papa Eugenio in perpetuum eis confirmatam et a domino archiepiscopo corroboratam et a predecessore nostro bone memorie Rogero episcopo premunitam Nos quoque tantorum patrum auctoritatem sequentes concessimus et confirmamus Preterea quicquid in diocesi nostra fidelium devotione eis legitime collatum est vel postmodum conferetur presentis carte confirmatione communimus Hiis testibus Willelmo abbate de Rademora Galfrido abbate de Cumbremar Ranulfo abbate de Bilidewas Ricardo abbate de Roucestr Radulfo priore de Kening Ricardo priore de Tutesberia Rogero archidiacono Salop et aliis