Charter Document - 03170065
| Charter Number: | 03170065 |
|---|---|
| Cartulary Title: | Coventry and Lichfield 1072-1159 Volume 14 |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1152 - 1159 |
| Date type: | Assigned |
| Resource Link(s): |
|
Charter:
Walterus Dei gratia Coventr episcopus universis sacrosancte matris ecclesie filiis tam clericis quam laicis salutem et Dei benedictionem Noscat universitas vestra dilecta in Cristo nos consilio et assensu capituli Coventr monasterii terram Radulfi dapiferi nostri de Bromhale cum omnibus suis pertinentiis et servitium suum et heredum suorum sicut in nostra carta satis diligenter est expressum et confirmatum ecclesie sancte Marie et beati Cedde imperpetuam elemosinam assignasse scilicet ut prefatus Radulfus heredesque eius pro omni servitio et omni consuetudine et libertate videlicet sach et soche tol et tem et infangentef iiii solidos annuatim ad luminare capitalis altaris Lich ecclesie ad festum sancti Michaelis reddat et eo defuncto heredes eius in relevamine dimidiam marcam argenti dantes abque omni vexacione et iniuria ei libere succedant Si quis hanc donationem pietate plenam temeritatis ausu infringere vel inpungnare temptaverit nisi resipuerit anathematis spiculo feriatur Testibus Ricardo archidiacono Coventr Rogero archidiacono Salop Frogero archidiacono Derb Elya archidiacono Staff Roberto archidiacono Cestr Odone thesaurario magistro Ricardo de Sallau Thoma canonico Willelmo Doreboc Assolf decano et canonico Noremanno canonico cum toto conventu canonicorum Lich ecclesie Testibus Willelmo decano de Tatenhul Hugone de Rolfust Henrico de Himesworthe cum aliis sacerdotibus de Offelau hundreth Testibus Roberto filio Galfrido Roberto preposito G Peccato et multis clericis et laicis