Charter Document - 03170054
| Charter Number: | 03170054 |
|---|---|
| Cartulary Title: | Coventry and Lichfield 1072-1159 Volume 14 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1154 - 1159 |
| Date type: | Assigned |
| Resource Link(s): |
|
Charter:
Walterus Dei gratia Cestrensis episcopus universis sancte ecclesie fidelibus salutem Confirmando locum in quo fundata est ecclesia sancte Marie super Derewent intimamus vobis ea que canonice ad opus ecclesie fidelium oblationibus collate accepimus scilicet de dono Henrici regis Anglorum Derlegam et locum et fundationem ubi predicta ecclesia fundata est et de sua propria firma de Derb x solidos de tenementis que ipsi canonici habent in Derb scilicet de tenura Hugonis presbiteri et Aghemundi fratris eius et de terra Radulfi filii Ouenath et de clauso sancte Helene cum Becrofta et de v mansuris in villa cum terris quas habent in campis inde molendinum super Oddebroc xxxii denariorum et quicquid eis rationabiliter datum est Ex dono Willelmi Barbe Aprilis et meo scolam de Derb Ex dono Henrici de Tuschet augmentum de Derl sicut cirographum suum testatur Ex dono Roberti comitis de Ferr et ex concessione regis Stephani quia de suo patrimonio est decimam de tercio denario de Derb cum prato quod pertinet ad ecclesiam de Uttok quam ego prefate abbatie concedo cum ecclesiis sancti Petri et sancti Michaelis et sancte Wereburge de Derb et cum oratorio de Aldewerc et cum ecclesia de Cruch et de Pentrez et de Rippel et de Assovera et de Winnefeld salvo iure episcopali Et ex dono prefati Roberti comitis vi solidatas terre in Osmundeston et vi acras terre ad Aldewerk et de bosco suo de Chaddesden quantum poterunt attrahere cum una carecta Ex dono Petri de Sandiacra pratum in quo moniales manent cum aliis tenuris suis Ex dono abbatis et conventus ecclesie de Burton et Willelmi de Heriz et Nicholai de Brailesford ii molendina et pratum supra Oddebroc inter Marketon et Derb Ex dono Radulfi filii Odonis et Gaufridi de Constant concessu Roberti comitis de Ferr Cruch cum appendiciis scilicet Lea et Dethee et Ibol et Tanesl et Wistanton et Oggedeston et Sutthethormam Ex dono prefati Radulfi Rippel et Pentr cum apenditiis suis Ex dono Hugonis de Burg v solidos in Weston Ex dono Rogeri can iii bovatas terre in Cestr et exclusam Ex dono Roberti de Dun i culturam et i pratum Ex dono Willelmi Piverell et uxoris eius et meo ecclesiam de Bollisovere et terram in qua habitant canonici Et concedo abbati Derbeiensi curam virginum quarum habitaculum ipse construxit habitaculum dico per miliarium a canonicis longe statutum et damus illi abbati licentiam consecrare virgines quarum curam illi commisimus Et concedimus predicto abbati et successoribus suis ne cuiquam reddant decimas de propriis agris suis quocumque labore cultis sive quibuscumque rebus suis propriis ut de pecoribus sive quibuscumque aliis nisi sibi ipsis et cui voluerint Concedimus etiam ut predictus abbas et quisque successorum eius sit decanus de omnibus ecclesiis que date sunt ecclesie sue in Derbisira et specialiter etiam de omnibus ecclesiis que sunt in Derb et teneat capitulum de clericis secularibus ut cum ipsis et per ipsos iudicet que secundum canones licet decano iudicare ab episcopo constitute ne quisquam presumat eum iudicare nisi solus episcopus episcopalia reddat vel reddere faciat de ecclesiis decanatus sui nec quisquam potestatem habeat preter episcopum solvendi quos ligaverit vel ligandi quos solverit De parochianis decanatus sui testibus de eodem capitulo has omnes donationes predictas sive a nobis sive ab aliis exhibitas vel collatas stabili iure confirmamus et obnixe tam maiores quam minores tam presentes quam futures caritative rogamus hanc predictam ecclesiam religione stabilem litteris decoratam provehant et protegant