Charter Document - 03170021
| Charter Number: | 03170021 |
|---|---|
| Cartulary Title: | Coventry and Lichfield 1072-1159 Volume 14 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1140 - 1147 |
| Date type: | Assigned |
| Resource Link(s): |
Reference Document for this Embedded Document |
Charter:
+ In nomine patris et filii et spiritus sancti Amen Notum sit omnibus tam presentibus quam futuri temporis Dei fidelibus quod ego Rogerus Dei gratia Cestrensis episcopus petitione et rogatu domini Rogeri et Gaufridi et Roberti heremitarum et fratrum de Faurwelle et concensu capituli nostri scilicet fratrum et canonicorum matris ecclesie de Lechefeld dedi et concessi et presentis pagine sigillo confirmavi sanctimonialibus et Deo devotis mulieribus ecclesiam sancte Marie de Faurwelle in perpetuam elemosinam cum omnibus appenditiis suis scilicet cum molendino et bosco et pasnagio et plano et quicquid interiacet inter rivum de Chishalea et Blachesiche Dedi preterea et concessi predictis sanctimonialibus in Dei servitio iuvandis et sustentandis vi colonos et eorum tenuras et mansos et quicquid servitii de eisdem habebam perpetuo iure in elemosinam Dedi preter hec et concessi rogatu et devota petitione Hugonis capellani et canonici nostri eidem ecclesie sancte Marie et eisdem sanctimonialibus de Faurwelle totam terram et tenuram et laborem suum quem de bosco [] extraxerat ipse Hugo et quicquid apud Pipam de me idem Hugo tenebat dedi inquam et concessi libere et quiete eidem ecclesie sancte Marie de Faurwelle totum in perpetuam elemosinam Dedi etiam et concessi eidem ecclesie sancte Marie et eisdem sanctimonialibus de Faurwelle servitium et totam tenuram Haminch de Hameruwih et hoc rogatu et petitione eiusdem Hamminh et Deo serviendi ipsum efflagitante devotione hac tamen conditione quod de dimidia hida quam predictus Hamminh tenebat habebit ecclesia dimidium in dominio et heres eius tenebit de ecclesia alterum dimidium faciens inde predicte ecclesie sancte Marie de Faurwelle servitium institutum Concessi etiam eidem ecclesie sancte Marle de Faurwelle elemosinas in dedicatione eiusdem ecclesie et in nostra presentia annuo beneficio ubicunque a Dei fidelibus institutes unde dilatande caritatis zelo et episcopalis officii debito prefatam ecclesiam sancte Marie de Faurwelle cum incolis sanctimonialibus in perpetuam ecclesiastice libertatis censuram episcopali auctoritate confirmamus et confirmando nostri capituli testimonio autorizamus et omnibus parochianis nostris tam clericis quam laicis ut eidem ecclesie benefaciant et eundem locum diligant et manuteneant precipiendo monemus et omnibus eidem loco pacem servantibus et aliquod beneficium Dei caritate exhibentibus fiat pax summa que hominibus bone voluntatis est promissa Huius donationis et concessionis sunt testes viri subscripti Richardus archidiaconus Guilelmus archidiaconus Rogerus archidiaconus et alius R[ogerus] archidiaconus Guilelmus decanus Odo thesaurarius Hugo capellanus magister Ricardus Guilelmus filius Osberti Rogerus Guilelmus Hugo can[onici] Robertus prepositus magister Aluredus Gilebertus de Liss