Charter Document - 03169168

Universis Cristi fidelibus presentes litteras visuris vel audituris Magister H de Mortuo Mari commissarius venerabilis patris B dei gratia Cantuar archiepiscopi executoris auctoritate apostolica provisionis faciende domino Stephano de Candiaco salutem in domino Noverit universitas vestra quod cum inter magistrum Nicholaum de Staunf canonicum Lich ex una parte et dominum Stephanum de Candiaco canonicum Lugdun ex altera super ecclesia de Wlleward Wygorn diocesis orta esset materia questionis magistro Nicholao asserente se fuisse legitime presentatum ad predictam ecclesiam de iure vacantem a veris patronis loci ordinario et se in eadem institui postulante procuratore dicti Stephani econtrario proponente quod domino suo auctoritate apostolica in predicta ecclesia fuit provisum et in eadem vacante de iure et de facto fuerat institutus Tandem post multas altercaciones habitas inter partes nostre ordinationi se voluntate spontanea submiserunt promittentes iuramento corporaliter prestito quod quicquid in predicta ecclesia ordinaverimus integraliter observabunt hoc adiecto quod si altera partium nostre ordinationi contradixerit vel eandem observare neglexerit toto iure quod habet vel habere videtur in ecclesia supradicta ipso iure sit privata Nos autem invocata spiritus sancti gratia habito virorum prudentum consilio tunc nobis assidencium sic ordinavimus inter partes quod dictus magister Nicholaus habeat ecclesiam supradictam et eam possideat tanquam rector ita tamen quod predictus Stephanus recipiet et habebit per manum eiusdem magistri Nicholai triginta marcas annuas de fructibus predicte ecclesie et ab ipsius successoribus si humanitus de ipso contigerit omnibus diebus eiusdem Stephani ad quindenam Pasche apud Novum Templum London donec eidem Stephano per magistrum Nicholaum cui dominus archiepiscopus procurante dicto Stephano committet vices suas super provisione facienda provideatur in ecclesia sexaginta marcarum vel quinquaginta si idem Stephanus acceptare voluerit et ex tunc cesset predicta prestacio cum idem Stephanus fuerit in possessione pacifica et fructus receperit ecclesie de qua sibi fuerit provisum Promisit etiam idem magister Nicholaus sub religione iuramenti sui quod predictam peccuniam solvet termino supradicto dicto Stephano vel certo procuratori suo sub pena decem librarum Et super hiis omnibus submisit se iurisdiccioni et cohercioni archidiaconi Cant qui pro tempore fuerit quod possit eundem et successores suos compellere per sentenciam excommunicationis ad solucionem peccunie supradicte una cum pena si commutatur et ad expensas et interesse et dampna si que incurrerit dictus Stephanus pretextu solucionis non facte Promisit etiam idem magister Nicholaus quod procurabit consensum et approbationem patronorum dicte ecclesie diocesani eiusdem loci ac sui capituli ut ista ordinacio rata maneat quousque sicut superius est expressum prenominato Stephano provisum fuerit Ita tamen quod ex tunc valeat predicta ordinacio cum consensus intervenerit predictorum Act apud Ely die veneris proxima post festum translationis beati Benedicti anno domini MCCL quarto in presentia venerabilis patris H dei gratia Elyens episcopi et magistri Nicholai eiusdem loci archidiaconi et magistri Iohannis de Lutreworth officialis dicti episcopi magistri Eustachii de Lemia canonici Herford et magistri Iohannis de Ebor et magistrorum Rogeri de Cant et R Pictaven Iohannis Belli Roberti de Haverberg et multorum aliorum In cuius rei testimonium presentibus litteris sigillum officialitatis Cant apponi fecimus