Charter Document - 03169165

Iohannes dei gratia rex Anglie dominus Hybernie dux Normannie et Aquitanie comes Andegavie archiepiscopis episcopis abbatibus prioribus comitibus baronibus iusticiis vicecomitibus prepositis et omnibus ballivis et fidelibus suis salutem Sciatis nos intuitu dei et pro salute anime nostre liberaliter et pure concessisse et presenti carta nostra confirmasse venerabili patri nostro Ioscelino Bathon et Glaston episcopo et successoribus suis quod si contigerit quod ecclesia Glaston sub abbatis regimine debeat gubernari idem episcopus et omnes successores sui inperpetuum habeant in liberam elemosinam patronatum eiusdem abbatie et pertinenti arum cum omni iure et cum omnibus dignitatibus libertatibus et liberis consuetudinibus ad patronatum pertinentibus Quicumque vero ibi promotus fuerit ad regimen abbatie illius recipiet de manu predicti episcopi et successorum suorum temporalia que regalia appellantur si ad nos pertineret patronatus et ipsis tanquam dominis et patronis eiusdem ecclesie faciet fidelitatem de feodis que modo pertinebunt ad abbatiam illam facturus fidelitatem post ea nobis et heredibus nostris tanquam principibus set non propter feoda Et idem episcopus et omnes successores sui inperpetuum per manus suas nobis et heredibus nostris facient servitium regale quod ecclesia Glaston debuit et consuevit facere dum ibidem prius essent abbates Abbas vero qui pro tempore fuerit faciet predicto episcopo et successoribus suis inperpetuum tanquam dominis et patronis servitia que de feodis que ad eum et abbatiam suam pertinebunt nobis et heredibus nostris debebuntur Si vero contigerit abbatem Glaston decedere dum episcopatus Bathon vacaverit et in manu nostra vel heredum nostrorum extiterit aliquo tempore nos et heredes nostri custodiam habebimus eiusdem abbatie cum omnibus pertinentiis suis quamdiu episcopatus Bathon vacaverit sicut aliarum abbatiarum regni nostri vacantium et ratione predicti episcopatus vacantis cum assensu nostro abbas ibidem interim preficietur Set quotiens abbatiam illam vacare contigerit non vacante sede episcopali custodiam et ordinationem illius abbatie idem episcopus et successores sui habebunt libere et pacifice inperpetuum ut patronus Ita quod ordinatione ipsius ecclesie de abbate vel abbatis electione nec ante nec post electionem abbatis rectius requiretur assensus set totum ad episcopum quicumque fuerit pertinebit Quare volumus et firmiter precipimus quod predictus episcopus et successores sui predictum patronatum abbatie Glaston cum custodia et ordinatione eiusdem cum vacaverit habeant et teneant in liberam elemosinam libere quiete pacifice integre plenaria cum omnibus pertinentiis cum dignitatibus libertatibus et liberis consuetudinibus suis inperpetuum sicut predictum est Prohibemus autem ex parte dei omnipotentis et beate Marie et omnium sanctorum et nostra ne quis contra hanc piam et liberalem concessionem et confirmationem nostram venire presumat quod si quis fecerit maledictionem dei et beate Marie et omnium sanctorum et nostram incurrat Hiis testibus domino S Cant archiepiscopo dominis W London P Wynton E Eliens E Hereford H Lincoln episcopis W Coventr R Cicestr electis W Westmon R de Ramen H de Bello loco Reginaldo abbatibus W comiti Arundell W comiti Warewi E comiti Wynton W comiti de Ferrar W Bruer Roberto de Rob Iohanne Marescall Thoma de Erdynton Dat per manum magistri Ricardi de Marisc cancellari nostri apud novum templum London ix die Ianuarii anno regni nostri xvi