Charter Document - 03169149
| Charter Number: | 03169149 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1251 |
| Date type: | Internal, Papal |
| Resource Link(s): |
Reference Document for this Embedded Document |
Charter:
Innocentius episcopus servus servorum dei venerabili fratri episcopo Wigorn salutem et apostolicam benedictionem Devotionis tue precibus benignum impercientes assensum dispensandi cum decem clericis tue civitatis et diocesis defectum pacientibus geniture dummodo non sint de adulterio vel incestuoso coitu procreati ut quilibet eorum huiusmodi non obstante defectu in susceptis ordinibus ministrare ac ad superiores promoveri et beneficium ecclesiasticum etiam si curam animarum habeat obtinere possit plenam tibi concedimus auctoritate presencium facultatem Ita tamen quod si quem eorum ad episcopalem dignitatem vocari contigerit illam nequaquam recipiat absque sedis apostolice licencia speciali Dat Lugdun ii idus Aprilis pontificatus nostri anno octavo