Charter Document - 03169147
| Charter Number: | 03169147 |
|---|---|
| Cartulary Title: | Worcester 1218-1268 Volume 13 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1237 - 1242 |
| Date type: | Assigned |
| Resource Link(s): |
Reference Document for this Embedded Document |
Charter:
Universis Cristi fidelibus ad quos presens scriptum pervenerit Ricardus sacrista Wygorn salutem in domino sempiternam Universitati vestre notum facimus nos de consensu venerabilis patris domini Walteri de Cantelup Wygorn episcopi tradidisse concessisse et hac presenti carta confirmasse pro nobis et successoribus nostris Alexandro filio Edwyni civi Wygorn pro homagio et servitio suo totum locum illum in cimiterio Wygorn ubi quondam fuerunt fabrice Hugonis aurifabri et Iohannis fabri cum suis pertinentiis habendum et tenendum sibi et heredibus sive assignatis suis de nobis et successoribus nostris inperpetuum libere quiete et plenarie reddendo inde nobis et successoribus nostris ipse et heredes vel assignati sui dimidiam marcam argenti ad quatuor anni terminos usuales pro omni servitio et demanda Et nos et successores nostri omnia predicta memorato Alexandro et heredibus vel assignatis suis contra omnes gentes inperpetuum warantizabimus et defendemus In cuius rei testimonium presenti scripto sigillum sacristarie Wygorn fecimus apponi Hiis testibus domino Iordano de Aldeswell tunc senescallo domini episcopi Waltero de La Dene magistro Bartholomeo aurifabro Symone campanario magistro Alexandro cementario Rogero filio eiusdem Nicholao de Cleynes clerico et aliis